மைக்கேல் ஜாக்சன்

பாப் இசைப் பாடகர்களில் உலகபுகழின் உச்சத்தில் இருந்தவர் மிக்கேல் (மைக்கேல்) ஜாக்சன்.
இவர் புகழ் ஏணியில் ஏறுவதற்கு முன்னர் மிக்கேல் ஜாக்சனின் குடும்பத்தினர் இண்டியானா மாநிலம் கேரி நகரில் ஜாக்சன்  தெருவிலுள்ள சாதாரண வீட்டில் வசித்தனர். மைக்கேலின் தந்தை ஜோ. அவர் ஒரு இரும்பு ஆலையில் கிரேன் ஆபரேட்டராக இருந்தார். கேரி நகரில் பெரும்பாலோருக்கு வேலைவாய்ப்பு அளித்த தொழிற்சாலை அது தான்.

இரண்டு படுக்கை அறைகள் கொண்ட மிக எளிமையான வீட்டில் ஜோ குடும்பத்தினர் ( 9 பிள்ளைகள் )  பெரிய  கும்பல் குடும்பமாக வசித்தார்கள். கிரேன் ஆபரேட்டர் வேலையைத் தவிர ஜோ தன் சகோதரர்களுடன் பாண்டு வாத்திய குழுவில் இருந்தார்.

எனவே ஜோ குடும்பத்துப் பிள்ளைகள் இசையிலேயே ஊறி வளர்ந்தார்கள். பிள்ளைகளில் 5 வது ஆள்தான் மிக்கேல் ஜாக்சன். இவருக்கு முந்தியவர்கள் மார்லன் ஜாக்சன்,ஜெர்மைன் ஜாக்சன், ஜாக்கி ஜாக்சன், டிட்டோ ஜாக்சன், இளையவர்களில் ஜேனட் ஜாக்சன், ளா-டோயா ஜாக்சன், மவுரின் ரெபி ஜாக்சன் ஆகிய மூவரும் தங்கைகள். ஸ்டீவன் ரேண்டி ஜாக்சன் கடைக்குட்டி தம்பி.

மழலையர் பள்ளி மாணவனாக இருந்தபோது (1963-ல்)மிக்கேல் ஜாக்சன் 'தி சவுண்ட் ஆஃப் மியூசிக்' பாடங்களை பாடித்திரிந்து கொண்டிருந்தார். 1964-ல் மைக்கேலும் மூத்த சகோதரர்களும் உள்ளூர் கிளப் இசைக்குழுவில் இருந்தார்கள். அதன் பிறகு பள்ளி நேரம் போக மற்ற நேரங்களில் அமெச்சூர் பாடகர்களாக தெருக்களில் 'நைட் ஷோ' நிகழ்ச்சிகளில் பாடினார்கள்.

1968-ல் அப்போது 10 வயதாகிருந்த மைக்கேல் ஜாக்சன், தங்கள் குடும்பத்து இசைக்குழுவில் முக்கிய பாடகராக இருந்தார். அப்போதே இந்தக் குழுவினரின் பாடல்கள் ரிகார்டுகளில் இடம்பெற்றன. அவற்றில் ஒன்றை நியூயார்க்கை சேர்ந்த அட்கோ ரிகார்ட்ஸ் வெளியிட்டது. ஆனால் அப்போது தேசிய அளவில் பெயர் பெறவில்லை.

அதே வருடத்தில் மைக்கேல் ஜாக்சன் அப்பல்லோ தியேட்டர் நடத்திய 'அமெச்சூர் நைட் ' நிகழ்ச்சிளில் சிறந்த பாடகராக புகழ்பெற்றார். அதன் பிறகு அவரது வளர்ச்சி வேகம் எடுக்க தொடங்கியது....
                                                                                                                      தொடரும் ........

உங்கள் பிரியமானவன்,