இத மாதிரி பேசி நான் பாத்ததே இல்லைங்க

அன்றாட வாழ்கை அனுபவத்தை மகிழ்ச்சியாக மாற்றிக்கொள்ள சில நல்ல வழிகள்.....

முதலில் பிறருடைய விருப்பங்களை தெரிந்து கொள்ளவேண்டும். 

அவருக்கு விருப்பமான ஆர்வமுள்ள டாபிக் பற்றி பேசுங்கள்.

 பிறருடைய ஆர்வத்தில் மூழ்கி விடுவதால் உங்களை நீங்கள் மறந்துவிட வேண்டும்.  

. பிறர் உங்களை விரும்புவதாக நினைத்துக் கொள்ள வேண்டும். அவர்களோடு பழக முனைந்து செயல்படுங்கள் . 

ரிசர்வடாக இருந்தால் நீங்கள் தனிமையை விரும்புகிறீர்கள் என்று எண்ணி அவர்கள் உங்களை ஒதுக்கி விடுவார்கள். 

உங்கள் நண்பர்களோடு மட்டுமே பேசிக்கொண்டு இல்லாமல் பிறரோடும் சேர்ந்து பேசு பழகுங்கள். 

ஒவ்வொரு நாளும் நண்பர்களை , சக ஊழியர்களை சந்திக்கும்போது ஏனோதானோ என்று குட்மார்னிங் வணக்கம் என்று சொல்லாமல்

உரக்க அழுத்தமாக மகிழ்ச்சியாக 'குட்மார்னிங் ' வணக்கம் என்று சொல்லுங்கள். நீங்கள் இதய பூர்வமாக சொல்வதை அவர்கள் உணர்வார்கள். 

பிறர் தாழ்வாக எண்ணுவதை கண்டுபிடித்து அவரிடம் உள்ள உயர்ந்த பண்புகளையும், திறமைகளையும் புகழ்ந்து கூறுங்கள். 

அவரைப்பற்றி பேசாமல் அவரின் நுண்ணரிவு, ஆற்றல் போன்ற செய்கைகளின் உயர்வை புகழ்ந்து பேசுங்கள். 

பெண்களுக்கு அவர்களுடைய அழகு, உடை பற்றி புகழ்ந்து பேசினால் பிடிக்கும். திருமணமானவர் என்றால் குழந்தைகளைப் பற்றி பேசலாம். 

இயல்பான முறையில் புகழ்ந்து பேசலாம். உங்களுக்கு கீழ் பணியாற்றுபவரின் திறமையைப் போற்றும் அதேசமயம் அவரின் பிரச்சனைப்பற்றியும் அதனை எப்படி சமாளித்தார் என்றும் கேட்கலாம். தெரிந்தால் சரியான யோசனையைச் சொல்லி வழிகாட்டலாம். 

தவறு செய்துவிட்டால் அதனை தமாஷாக வெளிப்படுத்துங்கள். 

நீங்கள்  இதற்காக உங்களை தாழ்த்திக் கொள்ள வேண்டியதில்லை. 

தவற்றை உணர்ந்துள்ளீர்கள் என்று பிறர் புரிந்து கொண்டால் உங்கள் மதிப்பு உயரும். 

 உங்களின் உரிமைகளைக் கேட்கும்போது அதற்காக வருந்தாதீர்கள். உங்கள் உதவியாளரை அவர் செய்ய வேண்டிய வேலையைச் செய்யச் சொல்லி விட்டு,  பின்பு சிரமம் கொடுத்து விட்டேன். மன்னிக்கவும் என்று சொல்லாதீர்காள்.....

எந்த வயதினரையும் மதிக்க கற்றுக்கொள்ள வேண்டும். 

அனைவருக்கும் உயர்ந்த மரியாதை கொடுப்பதில் உங்களுக்கு நிகர் வேறு யாரும் இருக்க கூடாது.

மனித உறவு மகத்தானது - இனிமையானது என்பதை உணர்ந்து செயல்படுங்கள். 

காதலிக்க கற்றுக்கொள்ளுங்கள். அன்பு செலுத்துவதற்கு நிகரானது வேறொன்றுமில்லை. மனைவியை காதலிக்க இயலாவிட்டால் குழந்தைகளை காதலிக்க வேண்டும். 

நேசிப்பது உங்களுக்கு நல்ல ஆளுமையை அளிக்கும்.

 பிராணிகளுடன் அன்போடு பழகுங்கள். 

சூழ்நிலைகளை மாற்றுங்கள். கோடை விடுமுறை, வார விடுமுறை, பண்டிகை போன்ற காலங்களில் வெளியூர் சென்று வாருங்கள்! 

புது நபர்களையும் , புது இடங்களையும் பார்க்க வேண்டும். 

அலுவலகத்தில் உள்ள அமைப்பைக்கூட மாற்றிப் பார்க்கலாம். அதனால் உற்சாகம் பிறக்கும். 

வெற்றி பெற்ற மனிதரோடு உரையாடுங்கள். 

சந்தோசமாக இருப்பவர்களை கண்டு பேசுங்கள். 

எல்லோரும் சமம் என்று எண்ணுங்கள்.

நன்றி - டாக்டர் திரு: எல்.பிரதாப்சிங் அவர்கள் (வெற்றிக்கு வித்திடலாம் வாங்க -ஹெல்த் மாத இதழ் )