உங்ககிட்ட இருக்குறத உசுப்பி விடுங்க

நீண்ட தூரம் ஓட்டப் பந்தயம் ஓடுபவர்களைக் கவனித்தீர்கள் என்றால்,
ஒரு உண்மை புரியும். அதாவது, ஆரம்பத்தில் போட்டி கடுமையாகவே இருக்கும். நிறையப்பேர் போட்டியிடுவார்கள்.

ஆனால் அந்தக்கடும் போட்டி, படிப்படியாகக் குறைந்து, இறுதிச் சுற்றில் நான்கைந்து நபர்கள் மட்டுமே ஓடிக்கொண்டிருப்பார்கள்.

  அது போலவேதான் எதிலும் ஆரம்பத்தில் போட்டி அதிகமாக இருக்கும். அதைப் பார்த்து அச்சப்பட்டுப் போட்டியிடத் தயங்கக் கூடாது.நமக்கேன் இந்த வம்பு என்று ஒதுங்கி மூலையில் முடங்கிவிடக் கூடாது.

   நீரில் இறங்காமல் உடலை நனைக்காமல் நீச்சல் கற்றுக்கொள்ள முடியாது. அச்சத்தைத் தவிர்த்துச் செயலைத் துவக்குங்கள்.

 ஒவ்வொரு நொடியையும் உங்கள் நற்செயலில் முதலீடு செய்து கொண்டே இருங்கள். எந்தத் தொழிலானாலும் பதவியானாலும் அடி மட்டத்தில் போட்டி அதிகம். ஆனால் மேல்மட்டத்தில் போட்டி குறைவு.

 சில சமயங்களில் உயர்மட்டம் தகுதியான நபர்கள் இல்லாததால் காலியாகவே இருக்கிறது.

  ஆரம்ப காலப் போட்டியைத் துணிவுடன் எதிர்கொள்ளும் அளவிற்கு உங்கள் மனதை ஊக்கப்படுத்திக் கொள்ளுங்கள். மனதை ஊக்கப்படுத்துவதற்குத் தன்னம்பிக்கையூட்டும் பதிவுகளைப் படியுங்கள். ஊக்கமூட்டும் சான்றோர்கள், நண்பர்கள் மற்றும் உறவினர்களுடன் கலந்து பேசுங்கள், வளமான சிந்தனையை வளர்க்கப் பயிற்சி எடுங்கள்.

 நன்றி - திரு.கவிஞர் கவிதாசன் அவர்கள் (சிகரங்களைத் தொடுவோம் புத்தகத்திலிருந்து)

டிஸ்கி: ஆஹா மறந்துட்டீங்களே! எப்பவும் போல ஓட்டு பொட்டியில நாலு ஊமக்குத்து குத்திட்டுப்போங்க