உலக மகா நடிப்புடா சாமி - பகுதி 3

   வாங்க நடிச்சு பழகலாம்

                       நண்பர்களே கடந்த பதிவில் நடிப்பில் முகத்தின் பல்வேறு பிரதிபலிப்பின் வெளிபாடுகளை பார்த்தோம் இனி..

                                ( மார்பு )

மார்பை உயர்த்தியும், தாழ்த்தியும், விரித்தும் காண்பிக்க வேண்டும். மார்பை ஏற்றி, இறக்கி, அசைத்துக் காண்பிப்பது மூலம் பாத்திரத்தின் இயல்புகளை உணர்த்த வேண்டும். உதாரணமாக விம்மி அழுதல், பெரு மூச்செறிதல், மூச்சு வாங்குதல், மூச்சை அடக்குதல், பயந்து அடங்குதல் போன்றவற்றை காண்பிக்க வேண்டும். வீரம், வீர ஆவேசம், வெறித்தன்மை, கடுங்கோபம், கோபாவேசம் போன்றவற்றையும் மார்பு மூலம் வெளிப்படுத்தி நடிக்க வைக்க வேண்டும்.

                           ( இடுப்பு )  

இடுப்பை பல்வேறு கோணங்களில் வளைத்தோ நிமிர்த்தியோ நெளித்தோ அசைத்தோ காண்பிப்பது மூலம் இடுப்பு அசைவிலே கருத்து, பொருள் வெளிப்பட வேண்டும்.

                           ( கைகள் )

கைகளை அசைப்பது மூலம் சைகை மொழியில் எண்ணங்களைத் தெரியப்படுத்த வேண்டும். 

விரல்கள் அசைவிலே, 

கை அசைவிலே வெளிப்படுத்தும் கருத்தை, விசயத்தை மற்றவர்கள் சுலபமாகப் புரிந்து கொள்ள முடியும். நன்றாக அறிந்து கொள்ள இயலும்.

                           ( கால்கள் )

1.சந்தோசத்தில், மகிழ்ச்சியில் நடக்கும் நடை

2.பெருமித்ததில் நடக்கும் நடை

3. மனவேதனை சோகத்தில் நடக்கும் நடை

4. சந்நியாசி, மகான்கள், சாந்தமாய் நடக்கும் நடை

5. கம்பீரம், மிடுக்கான, விறைப்பான நடை

6. கோபத்தில் நடக்கும் நடை

7. அச்சத்தில், பயத்தில் நடக்கும் நடை

8. வெறுப்பான நடை

9. சிருங்கார, காதல் நடை

10. பட்டிக்காட்டான் நடை

11. கவர்ச்சி, ஒயிலான நடை

12. கிழவன், கிழவி நடை

13. ஆணவம், அகந்தை, திமிர் நடை

14. ராஜ நடை

15. பைத்தியக்காரன் நடை

16. கண்பார்வை அற்றவர்கள் நடை

17. வெகுளித்தனமான நடை

18. கால் ஊனமுற்றவர்கள் நடை

19. மயக்க நிலை நடை

20. விரக்தியான நடை

21. நோயாளி நடக்கும் நடை

மேற்கண்டவற்றைக் கதாபாத்திரத்திற்கு ஏற்ப நடக்கும் நடையில் காண்பிக்க வேண்டும். பல வகையான நடைகளைக் காண்பிப்பதோடு, உட்கார்ந்தால் நடிப்பு, எழுந்தால் நடிப்பு, நிமிர்ந்தால் நடிப்பு எனப் பலவகையான நடிப்பினை வெளிப்படுத்த வேண்டும்.


நன்றி - திரு.கு.சுதர்சனா அவர்கள் (நடிப்பு கலை புத்தகத்திலிருந்து..)

டிஸ்கி: பாத்தீங்களா.... வழக்கம் போல ஓட்டு பொட்டியில நாலு ஊம குத்தா குத்திட்டு போங்க