வீர பெண்மணிகள் - விஜய தசமியில் நினைவு கூறுவோம்

பெண்களை போற்றும் நவராத்திரி மற்றும் விஜய தசமி பண்டிகைக்காக வீர பெண்மணிகளை பற்றி இன்றைய பதிவில்.....
கற்பை காக்க துப்பாக்கிய தூக்கிய இளம்பெண்!

அய்யய்யோ.......  தூரத்தில் தெரிந்த துப்பாக்கிக்காரர்களைப்
பார்த்ததுமே அலறினார் நூர் உசேன்.

அவரும் அவர் மனைவியும் தங்கள் 18 வயது மகள் ருக்ஷ்னாவை கட்டிலுக்குக் கீழே ஒளிந்துகொள்ளச் சொன்னார்கள்.
துப்பாக்கியுடன் வந்து கொண்டிருந்த 7 பேரும் லஷ்கர் - இ - தொய்பா தீவிரவாதிகள்.

காஷ்மீர் மாநிலம் ரய்ஜோரி மாவட்டம் கல்சியான் கிராமத்தில் வாழும் நுர் உசேனின் மகள் ருக்ஷ்னா கவுசரை தனக்கு கல்யாணம் செய்து கொடுக்கும்படி அடிக்கடி துப்பாக்கி ஆட்களுடன் வந்து மிரட்டுவது லஷ்கர்- இ - கமாண்டர் அபு ஒசாமாவின் வழக்கமாக இருந்தது.

செப்டம்பர் 28-ந்தேதியும் அப்படித்தான் வந்திருந்தான்.
4 தீவிரவாதிகள் வெளியே நின்றுகொல்ல, அபுஒசாமா உள்ளிட்ட 3 பேர் வீட்டுக்குள் நுழைந்தனர். 'ருக் ஷ்னா இல்லை' என்று நூர் உசேன் சொல்ல, அவரையும் அவர் மனைவியையும் அங்கிருந்த உறவினரையும் தீவிரவாதிகள் கடுமையாகத் தாக்க, அவர்கள் நிலைகுலைந்து கீழே விழுந்தனர்.
இதைப் பார்த்த ருக்ஷ்னாவின் அண்ணன் இஜாஸ் அகமது, வீட்டிலிருந்து கோடாரியை எடுத்து தீவிரவாதிகளைத் தாக்க, இஜாஸையும் தாக்கினர் தீவிரவாதிகள்.

கட்டிலுக்கு கீழ் ஒளிந்திருந்த ருக்ஷ்னா ஆவேசமானாள்.
'எப்படியும் இவனுங்க நம்மை கொன்னுடுவானுங்க.
அதுக்கு முன்னாடி இவனுங்களை ஒரு வழி பண்ணிடனும்'
என வெளியே வந்தவள்,
அபுஒசாமாவின் தலைமுடியைப் பிடித்து இழுத்து, சுவரோடு மோதினாள்.
அவன் அலறியபடி சரிய, அவனிடமிருந்த துப்பாக்கியைப் பிடுங்கினாள்.

அடுத்த நிமிடம், பட படவென வெடித்தன தோட்டாக்கள்.
மொத்தம் 12 குண்டு. ரத்த வெள்ளத்தில் பிணமாகக் கிடந்தான் அபு ஒசாமா.

அண்ணன் வைத்திருந்த கோடாரியை வாங்கி, மற்ற இரு தீவிரவாதிகளையும் ருக்ஷ்னா தாக்க ஆரம்பித்ததும், உயிர் பிழைத்தால் போதும் என வீட்டுக்குள்ளும் வெளியேயும் இருந்த தீவிரவாதிகள் ஓட்டம் பிடித்தனர்.

குண்டுசத்தம் கேட்டு ஓடிவந்த கிராம மக்கள், ருக்ஷ்னா துப்பாக்கியுடன் நிற்பதையும் அபு ஒசாமா சுட்டுக்கொல்லப்பட்டுக் கிடப்பதையும் பார்த்து போலிசுக்குத் தகவல் கொடுத்தனர். துப்பாக்கியுடன் நின்ற ருக்ஷ்னா,

'இதுவரைக்கும் நான் இதை தொட்டுக்கூடப் பார்த்ததில்லை.
 சினிமாவிலே ஹீரோக்கள் சுடுறாதைத்தான் பார்த்திருக்கேன். 
அதை மனசிலே வச்சிக்கிட்டு ஒரு தைரியத்தோடு சுட்டேன்
(சினிமா மூலம் ஒரு நல்லதும் நடந்திருக்கிறது).
அந்த சைத்தான் செத்தான்' என்கிறார் பதற்றமில்லாமல்.
அவரது குடும்பத்தினர் தான் பதற்றத்தோடு உள்ளனர்.

கொல்லப்பட்டவன் லஷ்கர்- இ - தொய்பாவின் கமாண்டர் என்பதால் பதில் தாக்குதல் கடுமையாக இருக்கும். எங்களை இந்த கிராமத்திலிருந்து பாதுகாப்பான நகரத்திற்கு அழைத்துப் போய் தங்கவைக்க வேண்டும் என்கிறார்கள். ரய்ஜோரி மாவட்ட எஸ்.பி. சாஜ்சத் வட்டாலி, ருக்ஷ்னாவுக்கும் குடும்பத்தினருக்கும் உரிய பாதுகாப்பு அளிக்கப்படும் என உறுதியளித்திருப்பதோடு ருக்ஷ்னாவின் வீரத்தைப் பாராட்டியிருக்கிறார்.
வீர தீர சாகசத்திற்கான மத்திய அரசின் உயர்ந்த விருதை ருக்ஷ்னாவுக்குத் தரவேண்டும் என்ற குரல்கள் பலமாக ஒலித்தன.

காஷ்மீரில் கடந்த ஆண்டு தீவிரவாதிகளுடன் நடந்த கடும் சண்டையில் கவில்தார் ராஜேஷ்குமார், நாட்டுக்காக தனது உயிரைத் தியாகம் செய்து தீவிரவாதிகளின் சதிச் செயலை முறியடித்தார். இந்த வீரச் செயலுக்கு அவரைக் கெüரவிக்கும் வகையில் அவருக்கு அசோக சக்கர விருது அறிவிக்கப்பட்டிருந்தது.. 
அதுபோல்  தன்னைத் தாக்க வந்த தீவிரவாதிகளிடமிருந்து துப்பாக்கியை பறித்து அவர்களை சுட்டுக்கொன்ற 22 வயது இளம் பெண் ருக்சானாவுக்கு நாட்டின் 2-வது உயரிய விருதான கீர்த்தி சக்கர விருது அறிவிக்கப்பட்டிருந்தது. 
இவர் தற்போது காஷ்மீர் மாநிலத்தில் போலீஸ் அதிகாரியாக பணிபுரிந்து வருகிறார். 


விஜயதசமி நாளில் நடந்த இந்த சம்பவத்தால், ருக்ஷ்னா இஸ்லாமியராக இருந்தாலும் அவரை துர்கா தேவியாக பார்க்கிறார்கள் இந்திய பெண்கள்.


உண்மைதான் நண்பர்களே நவராத்திரியும்,முடிவில் விஜய தசமி பண்டிகையும் பெண்களை தெய்வமாக போற்றும் பண்டிகையாக வீரதெய்வமான ஸ்ரீ துர்கா தேவியை வணங்குகிறார்கள்.. சகோதரி ருக்ஷ்னா அவர்களும் வீர பெண்மணி.. எனவே சகோதரி ருக்ஷ்னாவும் துர்கா தேவியாக நினைக்கிறார்கள்.

==================================================================

அது போல

பெங்களூரில், சங்கிலியைப் பறித்துச் சென்ற பகு‌தி நேரமாக ‌திரு‌ட்டு‌த் தொ‌ழி‌லி‌ல் ஈடுபடு‌ம் காவலரை துணிச்சலாகத் துரத்திப் பிடித்திருக்கிறார் பெங்களூர் நகரைச் சேர்ந்தவ‌ர் ஒய்.ஆர். பவ்யா என்கிற இளம் பெண். அ‌ந்த பெ‌ண்‌ணி‌ன் தை‌ரிய‌த்தை‌ப் பாரா‌ட்டி, 5 ஆயிரம் ரூபாயை ப‌ரிசாக அ‌ளி‌த்து கெளர‌வி‌த்த காவல‌்துறை, அவருக்குத் தங்கள் துறையிலேயே வேலை கொடுக்கவும் முன்வந்திருக்கிறது.

காவ‌ல்துறை ஆணையரை சந்தித்த பவ்யாவுக்கு அவர் 5 ஆயிரம் ரூபாய் வழங்கிப் பாராட்டினா‌ர். இதுபோ‌ன்ற தை‌ரியசா‌லிக‌ள் தா‌ன் காவ‌ல்துறை‌யி‌ல் இரு‌க்க வே‌ண்டு‌ம். ‌நீ‌ங்க‌ள் ஒப்புக்கொண்டால் காவல் துறையில் துணை ஆ‌ய்வாளராக பணியா‌ற்ற வாய்ப்ப‌ளி‌க்க‌ப்படு‌ம் எ‌ன்று உறுதி அளித்திருக்கிறார்.

சங்கிலியைப் பறித்துச் சென்ற ‌திருடனை துரத்திச் செல்லும் தைரியத்தைத் தந்தது எது என்று பவ்யாவிடம் கேட்டபோது, ``எனக்குத் திருமணமாகி ஐந்து மாதங்கள்தான் ஆகின்றன. தாலி மீது கை வைத்தால் பார்த்துக் கொண்டு சு‌‌ம்மா இரு‌க்க முடியுமா? அது என் உயிரல்லவா!'' என்று ஓர் இந்தியப் பெண்ணாய் கூ‌‌றினா‌ர்.

===================================================================

வரலாற்றுச்சம்பவம்

விஜயதசமி, நவராத்திரி நாட்களில் சிவகங்கை அரண்மனையில் உள்ள ராஜராஜேஸ்வரி என்ற பெண் தெய்வத்தை காண பெண்கள் கூட்டம் அலைமோதும்.

வெளியே ஆங்கிலேயர் படை காவல் காத்துக் கொண்டிருக்கும் நேரத்திலும் கூட வேலுநாச்சியாரும், அவரோடு இருந்த பெண்கள் படையும் ஆயுதங்களை ஆடைக்குள் மறைத்துக் கொண்டு கூட்டத்தோடு கூட்டமாக மாறுவேடத்தில் சென்று அரண்மனை கோவிலுக்குள் திடீர் தாக்குதல் நடத்தி எதிரிகளை அழித்தொழித்தனர்.

அதே போல வேலுநாச்சியாரின் படையில் குயிலி என்ற பெண் தன் உடம்பில் தீ வைத்து வெள்ளையரின் ஆயுதக் கிடங்கை எரித்து ஆயுதங்களை அழித்ததை வரலாறு மிக கவனமாக பதிவு செய்துள்ளது. இவரை உலகின் முதல் மனித ஆயுதமாக கூட கருதலாம்.

வேலுநாச்சியார் தனது ஐம்பதாவது வயதில், தனது கணவரை படுகொலை செய்த ஜோசப் ஸ்மித்தையும் தளபதி பான் ஜோரையும் தோற்கடித்து எடுத்த சபதத்தை நிறைவேற்றி சிவகங்கையின் அரசியானார்.

சிவகங்கை கோட்டை மீது பறந்த ஆங்கிலேயரின் கொடி இறக்கப்பட்டது. வேலு நாச்சியாரின் அனுமன் கொடி ஏற்றப்பட்டது.

நன்றி : WEBDUNIA, நக்கீரன், தினமணி.
============================================================================

ஆன்மீக வலைப்பூவில் - நவராத்திரி

====================================================================

  உங்கள் பிரியமானவன்,